Skip to content
  • Close menu

    Choose language

    Your browser's default language is currently set to English. Do you want to continue viewing this website using that language?

    Yes, use English No, use Gagana Sāmoa
 
Raise the standard

Main Navigation

Choose
language
  • Close menu

    Choose language

    • English
    • Te Reo
    • 简体中文
    • 中文繁體
    • Gagana Sāmoa
    • Lea Faka-Tonga
    • हिन्दी भाषा
    • 한국어
Toggle Menu
  • I'm a landlord
    • Heating
    • Insulation
    • Ventilation
    • Moisture ingress and drainage
    • Draught stopping
  • Tapuni le Menu I'm a tenant
    • Healthy habits
    • Home in on the detail

Faatulagana
o Fale Lelei

Sa faatulafonoina le faatulagana o fale lelei mo fale mautotogi i totonu o Niu Sila mai le aso 1 Iulai 2019. O le a mafai e faatulagana nei ona faaleleia le soifua manuia o tagatanuu o Niu Sila ma a latou aiga.

Alu Sao i le Content

Itulau o aofia i le vaega lenei

  • I'm a landlord Landlords

    Own a rental property and trying to find out what you need to do?

    Get started by getting informed
  • I'm a tenant Tenants

    Find out how to do your bit.

    Get ahead of the game

Aisea e taua ai?

Toeitiiti maua le 600,000 o aiga o loo nofo mautotogi i totonu o Niu Sila, ma ua faailoa mai i suesuega o loo matuai faaletonu tulaga o fale mautotogi pe a faatusa i fale o loo umia ma nofoia lava e tagata. Ua faaalia mai i suesuega le fesootaiga o fale e malulu, susu ma taetaepalaloa ma tulaga faaletonu tau soifua maloloina, aemaise lava i faamai faapei o le sela ma faaletonu i le fatu. O le faaleleia o tulaga i fale mautotogi, o le a mafai ai e tagatanuu Niu Sila ona maua le soifua maloloina lelei, ma faaitiitia tupe faaalu e vaai ai le fomai ma le faataotolia i le falemai. E laitiiti faaletonu e pei o le taetaepalaloa poo legalega e maua ai fale e mafanafana ma mago lelei, ma e fesoasoani i tulaga tau atinae a le e ona le fale.

O a tonu faamatalaga taua e tatau ona ou iloa?

O le faatulagana o fale lelei o loo aofia ai vaega o se fale, e mafai ai ona maua se fale e mafanafana ma mago.

Mafanafana:

E tatau i fale mautotogi uma ona iai se tasi pe sili atu o ea mafanafana tumau, o loo faamafanafana ai le potu malolo i le 18°C ma e mafai ona faatumauina le ea mafanafana lea mo le tausaga atoa. O nisi o masini faamafanafana e le aoga, taugata pe le aoga mo le soifua maloloina ma e le talafeagai ma tulaga ua faatulagaina nei. E maua i le tenancy.govt.nz/heating-tool, se faiga e siaki ai le ea mafanafana, o loo iai ma se lipoti e iloa ai tulaga maualalo o le ea mafanafana e tatau ona usitaia. E mafai ona faaaoga e siaki ai poo fetaui le ea mafanafana o loo iai i le taimi nei e tusa ai ma le faatulagana, ma iloa ai foi pe ono tatau ona faapipii se masini ea faamafanafana fou.

Insulation:

Ua faamalosia le faia o insulation i le faalo ma lalo ifo o le fola o le fale o fale mautotogi uma talu mai le aso 1 Iulai 2019, i nofoaga e fetaui tonu ai ona faapipii. O nisi o insulation o loo faaaoga i le taimi nei i fale mautotogi ua tatau ona toe faafou poo le sui atoa. Fuafua i le nofoaga tonu, e tatau ona maua le insulation mo le faalo i le tulaga maualalo faatulagaina o le R-values,* poo le mafiafia o le insulation mo le faalo i le taimi nei ma e le i lalo ifo ma le 120mm. E tatau ona iai le insulation mo lalo ifo o le fola o le fale i le faatulagana maualalo mo le R-value o le 1.3.

* O le uiga o le ‘R’ o le resistance – o se fua e iloa ai le malosi o le insulation e taofi ai le ea mafanafana.

Ventilation:

E tatau i fale mautotogi ona iai se faitotoa poo se faamalama (aofia ai faamalama e pipii i le faalo) e mafai ona tatala i fafo atu o potumoe uma, potu ai, potu malolo ma umukuka. O faamalama e mafai ona tatala ma faitotoa e tatau ona maua ai le lima pasene o le lautele o le taatiaga atoa o le fola i potu taitasi. E tatau i faamalama poo faitotoa ona mafai ona tatala i le tulaga o loo iai.

E tatau i umukuka ma faletaele uma ona iai se ili e faaalu ai le ea i fafo.

Ea susu ma paipa:

E tatau i fale mautotogi ona iai paipa e aoga ma lelei e faaalu ai suavai palapala, suavai tafe i luga o fogaeleele ma lalo i le fogaeleele, e aofia ai ma se ogapaipa e faaalu ai le suavai i le sami poo se vaitafe. O paipa o loo faaalu ai suavai palapala e tatau ona aofia ai paipa o loo pipii i apa o le fale e tali ai le timu, o le paipa e faaalu ai le suatimu i le eleele o loo pipii i le fale, ma paipa o loo faaalu ai suavai mai apa o le fale.

Afai o loo taatia le fola o le fale mautotogi i luga ifo o se isi fola o loo pupuni lelei, e tatau ona iai se mea o loo pupuni ai le susu mai le fogaeleele pe afai e mafai ona faia lea tulaga.

Taofi le ea malulu:

E tatau ia i latou e ona fale ona pupuni soo se mea o ava poo pupu i totonu o puipui, faalo, fola ma faitotoa e ono sao mai ai le ea malulu. E tatau ona pupuni fireplaces vagana ai se maliega a le ona le fale ma le tagata mautotogi e tuu ai pea faapena.

E iai mea o loo faatagaina e tusa ai ma faatulagana taitasi, ma e iai foi nisi mea faalauaitele o loo faatagaina mo nisi o fale mautotogi.

E maua nisi faamatalaga e uiga i tulaga o loo faatagaina i le upega tafailagi a le Tenancy Services. (external link)
Manatua faamolemole na o le Gagana Peretania o loo maua ai faamatalaga nei.

O le a sau mea e tatau ona fai muamua?

E tatau ia i latou o nofoia fale mautotogi ma e ona fale ona nofouta i aso ua faatulaganaina.

Fai Nei:

  • Lesitala i le Tenancy Matters(external link) ma le Facebook(external link) e maua ai faamatalaga lata mai e fesootai ma le nofoia o fale mautotogi, e aofia ai faamatalaga e uiga i le faatulagana o fale lelei.

Mai le aso 1 Iulai 2019:

  • Ua faamalosia le faia o insulation i le faalo ma lalo ifo o le fola o le fale o fale mautotogi uma, i nofoaga e fetaui tonu ai ona faapipii.
  • E tatau ia i latou e ona fale ona aofia se faamatalaga ua sainia mo soo se maliega e fou, ua toe fetuunai pe ua faafou ma o le a usitaia, pe ua usitaia foi, mo faatulagana o fale lelei.
  • O lea faamatalaga e faaopoopo lea i aiaiga ua faatulafonoina talu mai le aso 1 Iulai 2016 e aofia ai se faamatalaga i le insulation mo maliega fou uma mo le nofoia o fale mautotogi ma o loo aofia ai insulation ua uma ona fai mo le fale, nofoaga o loo faapipii ai, o le ituaiga ma le tulaga lelei o loo iai. E mafai ona tuufaatasia faamatalaga nei e lua i se saini e tasi.
  • E tatau ia i latou e ona fale ona teu faamaumauga e faamaonia ai o loo usitaia soo se faatulagana o fale lelei mo se fale mautotogi ua iai nei poo le faapipii i se taimi o loo nofoia ai fale mautotogi.

Mai le aso 1 Tesema 2020:

  • E tatau ia i latou e ona fale ona aofia se faamatalaga e faamaonia ai le usitaia i le taimi nei o faatulagana o fale lelei mo soo se maliega nofo mautotogi fou, ua toe fetuunai pe ua faafou foi.

Mai le aso 1 Iulai 2021:

  • O i latou e ona fale mautotogi tumaoti e tatau ona latou faamautinoa o loo usitaia faatulagana o fale lelei i totonu o le 90 aso mo soo se maliega e fou, pe ua faafou foi.
  • E tatau i fale uma o loo faaaoga mo le boarding (e le aofia ai fale a le Housing New Zealand ma le Community Housing Provider o loo faaaoga mo le boarding) ona usitaia faatulagana o fale lelei.

Mai le aso 1 Iulai 2023:

  • E tatau i fale uma a le Housing New Zealand ma fale ua lesitala a le Community Housing Provider ona usitaia faatulagana o fale lelei.

Mai le aso 1 Iulai 2024:

  • E tatau i fale mautotogi uma ona usitaia faatulagana o fale lelei.

Mo nisi o taiala e uiga i le faatulagana o fale lelei, silasila i le upega tafailagi a le Tenancy Service.(external link)
Manatua faamolemole na o le Gagana Peretania o loo maua ai faamatalaga nei.

E mafai ona e faafesootai la matou auaunaga mo se faamatalaupu e aunoa ma se totogi, pe afai e te moomia se fesoasoani e faamatala ai le uiga o faamatalaga nei. Mulimulitai i faatonuga o loo taua i lalo e te talanoa ai i se faamatalaupu:

  1.  Vili le 0800 836 262 i le tea o le 9.00am.
  2.  Talosaga mo se faamatalaupu.
  3.  Faailoa mai lau gagana tautala.
  4.  Faatali mo sina taimi puupuu mo se faamatalaupu.

Footer

I'm a landlord

  • Heating
  • Insulation
  • Ventilation
  • Moisture ingress and drainage
  • Draught stopping

I'm a tenant

  • Healthy habits
  • Home in on the detail

Faamatalaga e uiga i la matou auaunaga

  • About Tenancy Services
  • Contact us
  • Subscribe to updates
  • Healthy homes

Follow us

  • Facebook
  • Youtube

Lagolagoina e

Tenancy Services
Ministry of Business, Innovation and Employment
Malo o Niu Sila
  • New Zealand Government Te Kāwanatanga
  • Faamatalaga faalilolilo
  • Pule Taofia
© 2020 Tenancy Services